بتلات الإبداع
هلا والله وغلا
نحتريك يا الغالي تسجل في منتدانا.. ابداع × ابداع × ابداع
جميع طاقم المنتدى من المبدعين يرحبون بك كعضو متميز معنا ..
نرحب بتواجدك
مع تحيات :
طاقم المنتدى
عنهم
مؤسسة المنتدى : حلمي مجرد ابداع


ابداعنا لاحد له
 
الرئيسيةاليوميةمكتبة الصورس .و .جقائمة الاعضاءالمجموعاتالتسجيلدخول
منتديات بتلات الإبداع ترحب بكل المبدعين .. يسرنا دعوتكم الى التسجيل .. ابداع × ابداع × ابداع

شاطر | 
 

 الساعه 10 الصبح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عربجيه غير



عدد المساهمات : 8
تاريخ التسجيل : 20/10/2011

مُساهمةموضوع: الساعه 10 الصبح    الأربعاء أكتوبر 26, 2011 11:37 pm







الساعه 10 الصبح
>>لهالحين وهي تتقلب على فراشها موب قادره تنام من كثر التفكير<< :اوف تعبت مدري شسوي ياربي محتاره
وترفع اللحاف وتعلى صوتها<<: اوووووووووووف خلاص ابي انام وربي تعبت حرام اللي يصير فيني والله حرام..


>>تدخل امها الغرفه عشان تصحيها<<
ام فيصل "دلال": ياملاك قومي ياماما ليه لهالحين ماجلستي
ملاك: ماما تعبانه بليززز مابي اقوم
تجلس ام فيصل جنبها على السرير<<: ليه ياقلبي شفيك؟؟
لي متى بتظلي على هالحال ارحمي حالك..
قلنا لك خذي راحتك بالتفكير
ملاك تبكي<<: خايفه
ام فيصل تمسح دموع بنتها<<: من ايش خايفه ياحبيبتي فكري على مهلك هذا مستقبلك وانتي كبيره وتعرفين مصلحتك زين
يالله ياماما قومي توضي وصلي لك ركعتين استخاره وراح ترتاحين
تقوم ام فيصل من على السرير ومعاها ملاك<<: انشالله
>>وبعد كذا توضت وصلت وهي لازالت تبكي<<










%%%%%%%%%%%%%%%%%%%%%%














>>جالسه تناقشه وهي تبكي وتصارخ مصدومه<<: ايش..؟؟ كيف تعمل فيني كذا
نواف بعصبيه وهو ماسك يدها بقوه<<: لا تعلين صوتك عليّ انا ماجيت استشيرك يا يا <<وهو يناظر فيه باشمئزاز>> ياهانم
ويترك يدها ويبتعد عشان يطلع من الغرفه وهو يكمل كلامه ببرود<<: انا قلت لك عشان يكون عندك خبر وبسسسسس
شيماء وهي تصارخ<<: حرام عليك والله حراااااااااااام
نواف وهو يوقف عند باب الغرفه ويتكلم بالم<<: شوفي اللي انتي عملتيه بعدين احكي
شيماء تقاطعه وهي مرتبكه<<: لـ...كـ...
نواف يقرب منها وهو يحط اصبعه السبابه على فمه باشارة صمت<<: اوششششششش ولا كلمه مابي اسمع حسك >>ويحط اصبعه بقوه على راسها<< فاااااهمه
>>جلست شيماء على السرير وهي تبكي ونواف طلع من البيت معصب ومهموم في نفس الوقت<<


شيماء تتوعد بصوت مرتجف<<: وربي ماخليك تتهنى لا انت ولا بنت الفقر اللي بتاخذها وربي لتندم وبتشوف ينواف كيف تحرق قلبي بتشوف










%%%%%%%%%%%%%%%%%%%%%












>>من العصر وهي جالسه معها في الغرفه تفهمها وتقنعها وبدون نتيجه<<: طيب انا اللي عرفته انه اخلاق وما يعيبه شي لكنه متزوج وهذي المصيبه
ملاك: عارفه عشان كذا محتاره وخايفه من زوجته
اسيل: ليه تخافين منها انتي موب عامله شي خطا او حرام لاسمح الله
ملاك بخوف<<: ادري بس يمكن تطلع عقربه والله يستر منها
اسيل: انتي فكري وان اقتنعتي لا تخافين من زوجته ماتقدر تعمل لك شي
سكتت شوي<< بعدين سالتها: الا صدق اهو عنده عيال.؟
ملاك: ايوه ابوي يقول عنده ولدين
ااسيل: اها اسمعيني زين
انا اختك وتهمني مصلحتك ترى الزواج مش وناسه وتغيير العيشه اللي انتي فيها..
لا ياحبيبتي الزواج بيت وزوج ومسؤليه..
لازم تفكرين بالموضوع من كل الجوانب وايش سلبياته وايش ايجابياته..
لا تنسين انك راح ترتبطين برجل متزوج يعني مش ملكك وبس فيه.. حد يشاركك فيه زوجته وعياله
ملاك: عشان كذا خايفه ارفض وانذم اني ضيعت فرصة حياتي وفي نفس الوقت اوافق وانا مدري ايش مصيري بينه وبين زوجته
اسيل معصبه<<: ايش هالحكي انتي لساتك صغيره والحياه قدامك اللي يسمعك يقول انك عنستي ماكانك ماعديتي 17 حتى
ملاك تقوم من السرير وهي تمشي رايحه راجعه في الغرفه الصغيره اللي يادوب تكفي لسريرين وهي تبكي<<: بس انا ابي اخفف على ابوي ابيه يرتاح من همي
اسيل تقوم توقف قدام ملاك وتمسكها تجلسها على السرير وهي في حضنها تمسح راسها بحنان<<: قولي لي ياملاك انا اقرب شخص لك ايش اللي في بالك بالضبط
>>ملاك والدموع تسيل على خدها من الحيره اللي هي فيها خاصة انها انسانه حساسه جداً فدايماً دموعها على الابواب<<:اسيل انتي نسيتي يوم زواجك ايش قلتيلي.؟
اسيل متعجبه من سؤالها<<: يوم زواجي ..!!!!!!!!!!
ملاك: ايه يوم زواجك قلتيلي اخيراً ريحت ابوي من همي
اسيل زاد تعجبها من تفكير اختها<<: لا مانسيت بس هذا موب دافع لك عشان توافقين بدون اقتناع
ملاك تقوم من حضن اختها وتواجهها باصرار<<: بس انا بعد ابي اخفف على ابوي عـ...
اسيل تقاطعها<<: ملاك حنا كلنا تهمنا مصلحتك وانا بالذات فاهمتك صح
فاقول لك ياختي اتركي عنك العناد
لا تظنين ان ابوي بيرتاح او حتى بيوافق انك تتزوجين عشان هالسبب
تراه زواج موب لعبه عشان تفكرين كذا
وبعدين الرجال موب مستعجل يعني خذي راااحتك
والاهم انك انتي نفسك ماراح ترتاحين ابداً ان كان هذا تفكيرك..
وتمسك يدها برجاء<< : تكفين ياملاك طيعيني وفكري على مهلك هذي حياه عشرة عمر موب بهالسهوله اللي انتي ماخذتها
ملاك نزلت عينها وكانه تفكر وبدت تقتنع لكلام اختها<<: طيب
اسيل تحاول تلطف الجو شوي من الكابه<<: زين ابتسمي عاد ياشينك وانتي مكشره
ملاك تتصنع الابتسامه<<: اقول ورى ماتضفين وجهك اتركيني اذاكر
اسيل تعمل نفسها زعلانه وتقوم من السرير متوجهه الى الباب<< : الشرهه علي تاركه بيتي وزوجي عشانك اروح اجلس مع امي ابرك لي
>>اسيل متزوجه من سنه واربعة اشهر وهي هالحين حامل في الشهر السابع<<
ملاك تقوم تسحب اسيل برا الغرفه بمزح<<: يالله اطلعي ذبحتيني بالنصايح تراه مايناسبك
اسيل تضحك<<: زين لاتدزين يادوووبه >>وهي ماسكه بطنها<< : ولدي لا يصيبه شي
>>وتطلع اسيل من الغرفه الى الصاله عند امها<<
ام فيصل : هايابنيتي بشريني
اسيل وهي تجلس على الجلسه الشعبيه المتواضعه جدا<<: ذبحتني هالعنود ليما اقتنعت
مدري طالعه على منو
ام فيصل تناظر بنتها على جنب<<: لهالحين ماتدرين طالعه على منو؟
اسيل بدلع<<: يمممممممممممممممه هالحين انا اسوله عنود حرام عليك..
ام فيصل: لا حشى من زمان موب من الحين
>>وهي تضحك على بنتها اللي كبرت وتزوجت وحملت وبتصير ام لكن لساتها دلوعه من لما هي صغيره<<
تجي سحر لاختها ومعها كتاب الرياضيات<<: اسوله علميني كيف حل هالمساله
اسيل تبدا تعلم اختها المساله واخذت الكتاب من عندها<<: اشووووف
>>بعد 10 دقايق يدخل ابو فيصل وعياله بعد ماصلو العشا في المسجد<<
ابو فيصل: هلا يبه اسيل اشوف البيت منور اثاريك عندنا
>>اسيل تقو تسلم على ابوها وتبوس راسه<<
ابو فيصل: تحبين الكعبه انشالله
اسيل: هلا يبه شلونك شلون صحتك
ابو فيصل وهو يجلس<< : والله يابنيتي صحتي كويسه دامكم حولي
ويلتفت لام فيصل<<: يالله يام فيصل وين العشا ابي انام
ام فيصل : انشالله من عيوني
>>وتروح تجهز العشا<<
اسيل: ليه يبه مابعد شبعت منك بتتعشى وتنام
ابو فيصل: تدرين يابنيتي وراي جلسه من الصبح عشان افتح الشركه والا تبين المعزبين على اخر عمري يهينوني
اسيل: ماعاش من يهينك يبه انت تاج راسنا كلنا
>>وبعد 5 دقايق تجي ام فيصل<<:يالله ياوليد ناد ملاك تجي تتعشى
وليد: اووووووف ماما قولي لسامي هو الصغير
سامي: مابي مابي ماما قالت لك انت
وليد يبي يقوم يضرب سامي<<: هييي انت احترمني انا خوك الكبير
ام فيصل: بس بس خلاص
وانت عاد الله والكبير ماكانه الفرق بينكم سنتين مابي حد فيكم انا اللي بناديها
اللي يهديكم بس
سحر بلقافه معتاده<<: صدق بزارين ">>بسم الله عليك يالكبيره خخخخ<<"
وليد يقوم يبي يعطيها بوووووووكسسسسسسسس<<
>>وتبدى حرب البزارين اللي ماتنتهي<<










%%%%%%%%%%%%%%%%%%%%%%%



















>>جالسه في غرفتها الورديه اللي كل مافيه يدل على ذوق ناعم وراقي<<
على السرير متغطيه باللحاف وموب باين منها شي وتكلم بالموبايل بدلع وغنج<<: بردااااااانه
الجوهره: تعالي ياقلبي بحضني ادفيك
مرام: ياليت
الجوهره تثاوب<<: حبي موب كانه الساعه ثنتين ولهالحين مانمنا لا يكون ماتبين تروحين بكره المدرسه وتخليني بحالي
مرام: مجنونه انا اخليك انا ياعمري اخلي الدنيا ومافيها وما خليك
الجوهره: اجل يالله حبيبتي تنامين هالحين عشان بكره ماتتعبين
مرام: انا معك ارتاح والتعب كله يزول
الجوهره: طيب بس تنامين
مرام بطفش<<: طيب خلاص بنام عشانك بس
الجوهره: ياحبي لك >>وتكمل بكل رومانسيه<<: تصبحين على حب
مرام: احبك
الجوهره: مووووووووووت
مرام: تغطي زين
الجوهره: انشاااااااالله بالله اتركيني احلم فيك
مرام تبتسم<<: اوكي باي
الجوهره: باي ياقلبي











%%%%%%%%%%%%%%%%%%%%%%%%%%






>>من بعد ماطلع من بيته مارجع والوقت هالحين على وشك ياذن الفجر وهو جالس عل البحر يفكر<<
يتنهد بحسره والم<<: آآآآآآآآآآآآآآآآآآه
انتي اللي حديتيني على كذا ياشيماء انتي سبب كل شي انتي السبب
ويرمي حصا في البحر بكل قوه كانه يبي يطلع كل همومه في البحر<<
ناظر في الساعه لقاها 3<<: اقوم اروح المسجد احسن لي
>>ركب سيارته وشغل الراديو على mbc fm ..<<



قهر ماكنت انا ادري تعيش بقلبي كذااااابه..
قهر توي عرفت انك على الحبلين لعاااابه..
كذب كانت سواليفك..
وكل كلمه عل كيفك..
وانا اللي احسبك روحي ولقلبي اقرب احبابه..
لقلبي اقرب احباب..



و سرح بالاغنيه ورجع بذاكرته ليوم مافات عن باله لحظه وحده<<



الله اكبر الله اكبر
الله اكبر الله اكبر
[b]
الرجوع الى أعلى الصفحة اذهب الى الأسفل
أحلى أمنية



عدد المساهمات : 2
تاريخ التسجيل : 23/11/2011

مُساهمةموضوع: رد: الساعه 10 الصبح    الأربعاء نوفمبر 23, 2011 9:28 am

والله ونــــــــــــــــــــــــــــــاااسه روعة الحكاية
في إنتظار المزيـــــــــــــــــــــــــــــــــــــــــــــــــــــــــــــــــــد لاتحرمينا عاد من إبداعك الحلوووو ممتاز
الرجوع الى أعلى الصفحة اذهب الى الأسفل
 
الساعه 10 الصبح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بتلات الإبداع :: °o.O البتلات الأدبية O.o° :: `·.¸¸.·´´¯`··._.· بتلة القصص والروايات `·.¸¸.·´´¯`··._.·-
انتقل الى: